De Born vun Kehrweert wiesen.

[[Bild:Hyperbola one over x.svg|thumb|Graaf vun de Kehrweertfunkschoon ([[Hyperbel (Mathematik)|Hyperbel]]) <math>y=f(x)=\tfrac1x.</math>]]
De '''Kehrweert''' oder '''Kehrtall''' vun en [[Tall]] gifft in de [[Multiplikatschoon]] mit disse Tall nipp un nau een.

Den Kehrweert vun en [[Bröökreken|Bröök]] kriggt man, wenn een den Nömer un den Teller mitenanner dörtuschen deit, den Bröök also ümkehrt. To’n Bispeel is de Kehrweert vun den Bröök <math>\tfrac{2}{5}</math> gliek <math>\tfrac{5}{2}</math>. En annere Beteken dorför is ok '''reziprook Weert'''. 

De Kehrwert vun de [[Natürliche Tall|natürlichen Tall]] <math>x</math> is <math>\tfrac 1x</math>, also en [[Stammbröök]]. Jede Tall, de vun [[Null]] verscheden is, kann as Brook <math>\tfrac{x}{1}</math> schreven warrn. Dorüm is de Kehrweert <math>\tfrac{1}{x}</math> oder in en annere Schrievwies <math>x^{-1}</math>.

Allgemeen gellt, dat de Kehrweert vun en [[ratschonale Tall|ratschonalen]] Bröök <math>\tfrac ab</math> gliek <math>\tfrac ba</math> is, mit <math>a, b\neq 0</math>. För de [[Null]] gifft dat keen [[Reelle Tall|reellen]] Kehrweert, vun wegen dat een nich dör Null delen kann.

De Kehrweertfunkschoon is en [[Involutschoon (Mathematik)|Involutschoon]]. Dat bedüüt, dat de Kehrweert vun’n Kehrweert vun en Tall wedder de oorsprüngliche Tall is. Vun wegen de Egenschop <math>x^{-1} \cdot x=x\cdot x^{-1} =1</math> warrt de Kehrweert ok as dat [[Invers Element|multiplikative Inverse]] vun en Tall <math>x</math> betekent.

== Kiek ok ==
* [[Division (Mathematik)|Division]]
* [[Bröökreken]]
* [[Kedenbröök]]

[[Kategorie:Arithmetik]]